Biltokia

Teknika hau etorkizunerako kolektiboan zein eszenatoki izatea gustatuko litzaigukeen jakiteko balio du eta, era berean, kolektiboarentzako komunak direnak lehenesteko.

Talde txikiagoetan banatzen dugu taldea eta bakoitzak eszenatoki posible batzuk idazten ditu, berak nahi izango zituenak. Talde bakoitzetik 15 bat proposamen atera daitezke, arbela edo kartulina handi batean idatziko dituztenak. Ondoren, proposamen hauek talde handian partekatuko dira, bozkaketa hasteko.

Partaide bakoitzari post it-ak emango zaizkio, gehien gustatzen zaion proposamena bozka dezan (bere taldeak eskainitakoez gain). Ondoren, bozka gehien jaso dituzten proposamentak behatuko ditugu; kolektiboak lehenetsi dituenak izango dira.

Teknika honekin, helburu komun bera duten baina interes ezberdinak dituzten kolektibo bereko kideen arteko puntu komunak topatu daitezke, ekintza kolektiborako erreferentzia puntu gisa balioko duen erantzun zehatz bat bilatzeko balio izango duena.